كاتب لبكرة جواب خايف ما يكملشى ؟

كاتب لبكرة جواب

كاتب لبكرة جواب

سجادة مفروشة نايم عليها ألوف,الدب ببيادة قطع حبال الصوف , مستورة انا كداب ما انا خايف اتألم ,

الضرب بالقايش فى عقولنا اهو معلم موجود ,ومش موجود, عايش بدون صوتى ضحكولى سمعينك بيشتروا موتى,

دى بلاد ما تسمعشى, فجوابى دا نعشى, انا كاتب لبكرة جواب وخايف ما يوصلشى ,ما اهو الكلام فى بلدنا يقطع ما يوصلشى ,

خايف ما تفهمشى وتقول بعيد همشى, دا انا ﻻبس قميص من الهم اسود ما ينضفشى ,القطن صنع بلادى لكن ما يسترشى

كاتب لبكرة جواب خايف ما يكملشى ؟

كاتب لبكرة جواب خايف ما يكملشى ؟

كاتب لبكرة جواب خايف ما يكملشى اصل اﻻعمار بيد الله وانته ما تضمنشى, العمر يخلص امتى ليه ما بتندمشى ,

المال الحرام يقف فى البطن ما يتهضمشى ,اصل الجوع يخلى الحجر ينطق ,لما تكون ماشى على رجلك واللى جنبك بيسحف بيشحت ,

طب اسمع واضحك ,لما اقول للوحش فى وشه انته وحش ابقى بجح ولما اغش فى الدرا يقولو الشاطر نجح ,شعوب ببتفضح,

ابواب مش عايزة تتفتح شوف فى كام حضارة قربت تتمسح ,

كاتب لبكرة جواب يوصل ما يوصلشى

كاتب لبكرة جواب يوصل ما يوصلشى

كاتب لبكرة جواب يوصل ما يوصلشى مش فارقة معايا كتير ما انا كدا كدا همشى, دا لو ايوب جه هنا على العيشة ما يصبرشى ,

لو قالوا اقعد يوم بصراحة ما اقدرشى, خلينا كدا نايمين ,

خلينا كدا نايمين نقعد ما بنقومشى ,مع ان حب بلادنا يكبر ما يصغرشى ,حتى وانا جواها برضه بتوحشنى ,

حرقت نفسى بنار النار ما تحرقشى , وبعد كله دا بيقولوا بتضحكلى طب افضل فى وطنى اسير وﻻ اسيب بلدى

وعجبى !!

🙁 يا ترى انت كاتب جواب ؟ وخايف ما يكملشى وما يوصلشى ؟

منتظر تعليقاتكم ورأيكم

0 Comments كاتب لبكرة جواب خايف ما يكملشى ؟

✍️ اكتب تعليق